ପୁରୀ ବ୍ଲୁ ଫ୍ଲାଗ ବିଚ୍ରେ ନୌସେନାର ପରାକ୍ରମ
ପୁରୀ: ଆଜି ପୁରୀ ବ୍ଲୁ ଫ୍ଲାଗ ବିଚ୍ରେ ନୌସେନାର ପରାକ୍ରମ ଦେଖିବାକୁ ମିଳିଛି। ଅପରେଶନାଲ ଡେମୋର ଉଦ୍ଘାଟନ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ପ୍ରଥମ କରି ପୁରୀରେ ପାଳିତ ହେଉଛି ନୌସେନା ଦିବସ। ଏଥିରେ ୧୫ ଯୁଦ୍ଧ ଜାହାଜ, ୩୭ ଏୟାରକ୍ରାଫ୍ଟ ଓ ଗୋଟିଏ ବୁଡ଼ା ଜାହାଜ ସାମିଲ ହୋଇଥିଲେ। ଜଳ ପଥରେ ରଣକୌଶଳ ଦେଖାଇଲେ ନୌବୀର। ପୁରୀ ବେଳାଭୂମିରେ ଯୁଦ୍ଧର ଭ୍ରମ ସୃଷ୍ଟି ହୋଇଥିଲା। ରାଷ୍ଟ୍ରପତି ତାଙ୍କ ଅଭିଭାଷଣରେ କହିଛନ୍ତି ଯେ ଜାତୀୟ ସୁରକ୍ଷାରେ ନୌସେନାର ଅବଦାନ ଗୁରୁତ୍ବପୂର୍ଣ୍ଣ। ଭାରତ ୬୩ ସ୍ବଦେଶୀ ବୁଡ଼ା ଜାହାଜ ନିର୍ମାଣ କରିବାରେ ସଫଳ ହୋଇଛି ଓ ୨୦୪୭ ସୁଦ୍ଧା ଦେଶକୁ ସମ୍ପୂର୍ଣ୍ଣ ଆତ୍ମନିର୍ଭର କରିବା ଲକ୍ଷ୍ୟ ରହିଛି।
