ମିଶନ ଆଶ୍ରାରେ ଆଗୁଆ ଦୀପାବଳୀ ଉତ୍ସବ
ଝାରସୁଗୁଡ଼ା,୩୦।୧୦: ଜିଲ୍ଲା ପ୍ରଶାସନ, ଜିଲ୍ଲା ଖଣିଜ ପାଣ୍ଠିର ସହାୟତା ଓ ପିପୁଲ୍ସ ଫୋରମ୍ ଦ୍ବାରା ପରିଚାଳିତ ହଁ. କଟାପାଲିସ୍ଥିତ ମିଶନ ଆଶ୍ରାରେ ଆଗୁଆ ଦୀପାବଳି ଉତ୍ସବ ପାଳିତ ହୋଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଏସପି ଲମ୍ବୋଦର ବୁଡ଼ା, ସମ୍ମାନିତ ଅତିଥି ଭାବେ ଡିସିପିଓ ସୁନନ୍ଦ ମହାରଣା, ଅବସରପ୍ରାପ୍ତ ଅଧ୍ୟକ୍ଷ ନରେନ୍ଦ୍ର ପଣ୍ଡା, ଅଧ୍ୟାପିକା ମନ୍ଦାକିନୀ ଶତପଥୀ, ବରିଷ୍ଠ ନାଗରିକ ସଂଘର ସଭାପତି ବାଲଗୋବିନ୍ଦ ମିଶ୍ର, ସାମାଜିକ କର୍ମୀ କବିତା ପଣ୍ଡା, ଏଇତ ଜୀବନ ସଂସ୍ଥାର ସଭାପତି ସୁଜାତା ମିଶ୍ର, ସାମ୍ବାଦିକ ମେହବୁବ ଉପସ୍ଥିତ ରହି ଦୀପ ଜାଳି ଉତ୍ସବକୁ ଶୁଭାରମ୍ଭ କରିଥିଲେ।
ପିପୁଲ୍ସ୍ ଫୋରମ୍ ର ଉପ ସଭାପତି ସଞ୍ଜୟ ଜେଠୀଙ୍କ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମ ପରିଚାଳିତ ହୋଇଥିଲା। କେନ୍ଦ୍ରର ଅନ୍ତେବାସୀମାନେ ଅତିଥିମାନଙ୍କ ଗହଣରେ ପ୍ରଦୀପ ପ୍ରଜ୍ଵଳନ କରିଥିଲେ ଓ ବାଣ ମଧ୍ୟ ଫୁଟାଇଥିଲେ।
ଏହି କାର୍ଯ୍ୟକ୍ରମର ଅବସରରେ ସମସ୍ତ କେନ୍ଦ୍ରର ଅନ୍ତେବାସୀ ଓ କର୍ମଚାରୀଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।
