ଆଜି ଭାରତ ବନ୍ଦ

ଭୁବନେଶ୍ୱର: ଆଜି ଭାରତ ବନ୍ଦ ଡାକରା ଦେଇଛନ୍ତି ବିଭିନ୍ନ ଦଳିତ ଓ ଆଦିବାସୀ ସଂଗଠନ। ସଂରକ୍ଷଣକୁ ନେଇ ସର୍ବୋଚ୍ଚ ନ୍ୟାୟାଳୟଙ୍କ ରାୟ ବିରୋଧରେ ଏହି ୧୨ ଘଣ୍ଟିଆ ବନ୍ଦ ପାଳନ କରାଯାଉଛି। ବନ୍ଦକୁ ସମର୍ଥନ ଜଣାଇଛନ୍ତି ବିଭିନ୍ନ ରାଜନୈତିକ ଦଳ। ଓଡ଼ିଶାର ବହୁ ସ୍ଥାନରେ ବନ୍ଦର ପ୍ରଭାବ ଦେଖିବାକୁ ମିଳିଛି। ଭୁବନେଶ୍ଵରରେ ଥିବା ଲୋକସେବା ଭବନ, ଖାରବେଳ ଭବନ, ରହିବ ଭବନ ଓ ବିଭାଗୀୟ ମୁଖ୍ୟ ଦପ୍ତରରେ ନିୟୋଜିତ ଥିବା କର୍ମଚାରୀଙ୍କୁ ୯:୩୦ ସୁଦ୍ଧା କାର୍ଯ୍ୟାଳୟରେ ପହଞ୍ଚିବା ପାଇଁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର। ସୁନ୍ଦରଗଡ଼, ବରଗଡ଼, କୋରାପୁଟ, ମୟୂରଭଞ୍ଜ ଓ ଭଦ୍ରକ ଜିଲ୍ଲାରେ ବନ୍ଦର ପ୍ରଭାବ ଦେଖିବାକୁ ମିଳିଛି।ବିଭିନ୍ନ ସ୍ଥାନରେ ରାସ୍ତାରୋକ ଓ ବିକ୍ଷୋଭ ପ୍ରଦର୍ଶନ କରୁଛନ୍ତି ଆନ୍ଦୋଳନକାରୀ। ସମ୍ବଲପୁର ଷ୍ଟେସନରେ ଦୁଇଟି ଟ୍ରେନ୍ ଅଟକାଇଲେ ବିକ୍ଷୋଭକାରୀ। ସମ୍ବଲପୁର - ପୁରୀ ଇଣ୍ଟରସିଟି ଓ ରାୟଗଡ଼ା ଇଣ୍ଟରସିଟି ଟ୍ରେନ୍ ଅଟକ ରଖିଥିବା ଜଣାପଡ଼ିଛି। ସେହିପରି ନବରଙ୍ଗପର ଓ ମୟୂରଭଞ୍ଜ ଜିଲ୍ଲାରେ ଗାଡ଼ି ଚଳାଚଳ ପ୍ରଭାବିତ ହୋଇଛି ଓ ଦୋକାନ ବଜାର ବନ୍ଦ ରଖାଯାଇଛି।